ՏԵՍԱՆՅՈՒԹ. Սոչիում ուկրաինական երկու ԱԹՍ է ընկել

Սոչիում ուկրաինական երկու անօդաչու թռչող սարք է ընկել, տուժածներ և ավերածություններ չկան։ Այս մասին հայտնել է Սոչիի քաղաքապետ Ալեքսեյ Կոպայգորոդսկին:

ՌԴ պաշտպանության նախարարությունը հայտնել է, որ ռուսական ՀՕՊ միջոցները հոկտեմբերի 14-ին, Մոսկվայի ժամանակով ժամը 7:10-ի սահմաններում (Երևանի ժամանակով 8:10-ին), Կրասնոդարի երկրամասի ափերի մոտ ոչնչացրել են ուկրաինական երկու ԱԹՍ:

«Քաղաքում տուժածներ և ավերածություններ չկան։ Օդանավակայանը և հանգստավայրի բոլոր համակարգերը գործում են կանոնավոր կերպով։ Իրավիճակը օպերատիվ շտաբի վերահսկողության ներքո է: Շնորհակալություն մեր ամբողջ ուժային բլոկին: Բնակիչների ու հյուրերի կյանքին ու առողջությանը վտանգ չի սպառնում, հանգստավայրում ամեն ինչ կարգին է», - նշել է Կոպայգորոդսկին իր Telegram ալիքում։