ՀԱՄԱՍ-ի հետ շփումները կարող են տեղի ունենալ հաջորդ շաբաթ. ՌԴ ԱԳՆ
Ռուսաստանի արտաքին գործերի նախարարության փոխղեկավար Միխայիլ Բոգդանովը չի բացառել, որ հաջորդ շաբաթ Քաթար կատարելիք այցի ընթացքում շփումներ կարող են տեղի ունենալ ՀԱՄԱՍ-ի ներկայացուցիչների հետ։ Այս մասին հայտնում է «Ռիա Նովոստի»-ն։
Ռուս դիվանագետի խոսքով՝ այցի ընթացքում կարող են հարցեր բարձրացվել, այդ թվում՝ ՀԱՄԱՍ-ի գերության մեջ գտնվող պատանդների հետ կապված իրավիճակի վերաբերյալ.
«Մենք հանդիպում էինք ՀԱՄԱՍ-ի ղեկավարության հետ ամեն անգամ, երբ ես այնտեղ էի: Եթե նրանք ցանկանում են` մենք միշտ կապ ենք պահպանում»,-նշել է ՌԴ դիվանագիտական գերատեսչության աշխատակիցը։
