Իսրայելի պաշտպանության բանակը Գազայի բնակիչներին կոչ է արել տարհանվել
Իսրայելի պաշտպանության բանակը Գազայի հատվածի բնակիչներին կոչ է արել տարհանվել Գազայի հատվածից հարավ։ IDF-ի մամուլի ծառայությունը համապատասխան հայտարարություն է հրապարակել Telegram-ի իր ալիքում։
«ՀԱՄԱՍ»-ի ահաբեկիչները թաքնվում են Գազա քաղաքում՝ տների տակ գտնվող թունելներում և շենքերի ներսում, որտեղ ապրում են անմեղ խաղաղ բնակիչներ», - բացատրում է Իսրայելի պաշտպանության բանակն իր կոչը:
Իսրայելի պաշտպանության բանակի մամուլի ծառայությունը հավելում է, որ բնակիչները կկարողանան վերադառնալ իրենց տները միայն համապատասխան ծանուցումից հետո։
ՄԱԿ-ը դիմել է Իսրայելին՝ կոչ անելով չեղարկել տարհանման հրահանգը և շեշտելով, որ տարհանումը կարող է հանգեցնել «աղետալի իրավիճակի» և կունենա «ավերիչ հումանիտար հետևանքներ»։
ՄԱԿ-ը գնահատումներով՝ առաջիկա 24 ժամում տարհանվելու հրահանգը վերաբերում է մոտավորապես 1,1 միլիոն մարդու։
Իր հերթին Իսրայելը դատապարտել է ՄԱԿ-ի արձագանքն իր տարհանման հրահանգին՝ կազմակերպությանը մեղադրելով «Իսրայելի կողքին կանգնելու փոխարեն․․․ Իսրայելին քարոզ կարդալու» մեջ և կոչ անելով դրա փոխարեն աշխատել ՀԱՄԱՍ-ի մոտ գտնվող պատանդներին վերադարձնելու ուղղությամբ։
