Իրանը հերքում է իր մասնակցությունը Իսրայելի վրա հարձակման պլանավորմանը կամ իրականացմանը

Իրանը հայտարարել է, որ չի մասնակցում Իսրայելի վրա ՀԱՄԱՍ-ի հարձակման պլանավորմանը կամ իրականացմանը: Այս մասին հայտնում է BBC ռուսական ծառայությունը։ 

Նշվում է, որ ՄԱԿ-ում Իրանի առաքելությունը հերքել է տեղեկություններն այն մասին, որ Թեհրանը մասնակցություն է ունեցել ՀԱՄԱՍ-ի զինյալների կողմից Իսրայելի վրա հարձակում ծրագրելուն:

«Մենք վճռականորեն աջակցում ենք Պաղեստինին, բայց չենք մասնակցում պաղեստինյան պատասխաններին, քանի որ այդ որոշումները կայացնում է բացառապես Պաղեստինը», - ասվում է առաքելության մեջ:

Amwaj.media պորտալը՝ հղում անելով Բեյրութում անվտանգության բարձրաստիճան արաբական աղբյուրներին, նշում է, որ իր աղբյուրը կտրականապես հերքել է այն տեղեկությունը, որ հոկտեմբերի 7-ին պաղեստինյան բլից-կրիգը հետևել է արաբ և իրանցի պաշտոնյաների միջև Լիբանանում գաղտնի հանդիպումներին:

Ավելի վաղ հայտնել էինք, որ Իրանի հետախուզական ծառայություններն օգնել են պաղեստինյան ՀԱՄԱՍ շարժման զինյալներին հարձակում պլանավորել Իսրայելի դեմ, գրում է The Wall Street Journal-ը՝ հղում անելով սեփական աղբյուրներին։ 
 

Հիշեցնենք նաև՝ ավելի վաղ հայտնել էինք, որ ՄԱԿ-ի Անվտանգության խորհուրդը փակ դռների հետևում արտակարգ նիստ է անցկացրել Իսրայելի և Պաղեստինի միջև պատերազմի ֆոնին, սակայն չի կարողացել հասնել միասնական հայտարարության։