Իրանի հետախուզական ծառայություններն օգնեցին ՀԱՄԱՍ–ին հարձակում կազմակերպել Իսրայելի վրա. WSJ
Իրանի հետախուզական ծառայություններն օգնել են պաղեստինյան ՀԱՄԱՍ շարժման զինյալներին հարձակում պլանավորել Իսրայելի դեմ, գրում է The Wall Street Journal-ը՝ հղում անելով սեփական աղբյուրներին։
Ինչպես հրատարակությանը հայտնել են ՀԱՄԱՍ-ի և լիբանանյան Հեզբոլլահի բարձրաստիճան ներկայացուցիչները, Իրանի հետախուզական ծառայությունները «կանաչ լույս են տվել» հարձակման համար անցյալ երկուշաբթի՝ հոկտեմբերի 2-ին, Բեյրութում խմբավորումների զինյալների հետ հանդիպման ժամանակ:
WSJ-ի զրուցակիցները պնդում են, որ Իրանի Իսլամական հեղափոխության պահապանների կորպուսի սպաները օգոստոսից ՀԱՄԱՍ-ի հետ պլաններ են մշակում Իսրայելի դեմ օդային, ցամաքային և ծովային ներխուժման համար։ Գործողության մանրամասները ճշտվել են Իրանի կողմից աջակցվող չորս խմբավորումների, այդ թվում՝ ՀԱՄԱՍ-ի ու Հեզբոլլահի ներկայացուցիչների հետ։
Իսրայելի վրա հարձակման կազմակերպմանը Իրանի մասնակցության մասին տեղեկությունը լրագրողներին հաստատել են նաեւ եվրոպացի պաշտոնյաներից մեկը եւ սիրիական կառավարության խորհրդականը։
ՀԱՄԱՍ-ի բարձրաստիճան պաշտոնյաներից Մահմուդ Միրդավին ասել է, որ խմբավորումն ինքնուրույն է ծրագրել հարձակումը:
