ՏԵՍԱՆՅՈՒԹ. Մինչև օրվա վերջ Իսրայելում ոչ մի կենդանի ահաբեկիչ չի մնա. Իսրայելի բանակի պաշտոնական ներկայացուցիչ
Իսրայելի բանակի պաշտոնական ներկայացուցիչը հայտնել է, որ մինչև օրվա վերջ Իսրայելում ոչ մի կենդանի ահաբեկիչ չի մնա։ Մինչդեռ Իսրայելում առնվազն 100 մարդ է զոհվել, 800-ը՝ վիրավորվել, հաղորդում են իսրայելական լրատվամիջոցները։
Պաղեստինի առողջապահության նախարարության տվյալներով՝ Գազայում հարվածների հետևանքով զոհվել է 198 մարդ, վիրավորվել՝ 1610-ը։ ՀԱՄԱՍ-ի քաղբյուրոյի ղեկավարն ասել է, որ «Իսրայելի դեմ ճակատամարտը» «պաղեստինյան հողերի և ժողովրդի ազատագրման» սկիզբն է։
Պաղեստինա-իսրայելական հակամարտության հարցով ՄԱԿ-ի Անվտանգության խորհրդի նիստը նախատեսված է այս կիրակի՝ Երևանի ժամանակով 23:00-ին: Նշենք, որ ԱՄՆ նախագահ Ջո Բայդենը հավանություն է տվել Իսրայելին 8 միլիարդ դոլարի ռազմական օգնության հատկացմանը:
Տեսանյութում ցուցադրված են պահեստազորի ստորաբաժանումների սահմանային գոտի տեղափոխման և Գազայի հատվածին իսրայելական հարվածի կադրերը:
