Արցախի նախկին նախագահները Ստեփանակերտից չեն հեռացել. ԶԼՄ

Լեռնային Ղարաբաղի Հանրապետության (ԼՂՀ) նախկին նախագահներ Արկադի Ղուկասյանը, Բակո Սահակյանն ու Արայիկ Հարությունյանը Ստեփանակերտից չեն մեկնել: Այս մասին ՏԱՍՍ-ին հայտնել է ԼՂ նախկին ղեկավարի մերձավոր շրջապատի աղբյուրը։

«Երեք նախկին ղեկավարները Մոսկվայի ժամանակով 11:00-ի դրությամբ (Երևանի ժամանակով 12։00) գտնվում են Ստեփանակերտում։ Այս պահին բանակցություններ են ընթանում ադրբեջանական կողմի հետ», - ասել է գործակալության զրուցակիցը։

Այսօր առավոտյան ոչ պաշտոնական լուր տարածվեց, որ նախկին նախագահները լքել են Ստեփանակերտը և արդեն Հայաստանում են։ Նախկին նախագահների Հայաստան գալու մասին ոչ պաշտոնական տեղեկատվությունը հայտնում էին հայաստանյան մի շարք ԶԼՄ-ներ և ֆեյսբուքյան օգտատերեր։