Ստեփանակերտ–Գորիս ճանապարհին բենզատար է շրջվել. այրվել է հայերին պատկանող 2 ավտոմեքենա
Շուշիի շրջանի Լիսագոր գյուղին հարակից տարածքում շրջվել է ՌԴ խաղաղապահների բենզատար «ԿամԱԶ»–ը։ Տեղեկությունը հայտնում են ադրբեջանական ԶԼՄ–ները։
8 տոննա տարողությամբ բեռնատարը շրջվել է ճանապարհի եզրային հատվածում, ինչի հետևանքով հրդեհ է բռնկվել։ Այրվել են նաև հայերին պատկանող «Համեր» և «Մերսեդես» մակնիշի ավտոմեքենաները, որոնք կայանված են եղել ճանապարհի եզրին։
Հրդեհն արդեն մարվել է։
