Ստեփանակերտի մոտակայքում բենզինով ցիստեռն է պայթել. կան զոհեր և տուժածներ
Քիչ առաջ Ստեփանակերտի հարևանությամբ՝ Հայկազովում, լցակայանում պայթել է բենզինով ցիստեռն: Սա այն ցիստեռն է, որտեղից մարդկանց պետք է բենզին տրամադրեին Հայաստան տեղահանվելու համար: Այս մասին հայտնում է MediaHub-ը:
Ըստ լրատվականի տարածքում տասնյակ մարդիկ կային, որոնք իրենց հերթին էին սպասում, որպեսզի բենզին ստանան և, ցավոք, զոհեր կան.
«Շտապ օգնության մեքենաների ձայնը քանի րոպե է չի դադարում: Ասում են զոհեր ու վիրավորներ ունենք» ,- ասել է Ստեփանակերտի բնակիչներից մեկը:
Հիշեցնենք, այս պահի դրությամբ Արցախից Հայաստան բռնի տեղահանվել է յոթ հազար արցախցի: Նրանց հոսքը դեպի Մայր հայրենիք չի դադարում:
