Հույս ունենք, որ հայ ժողովուրդն իր պատմությունը կապում է Ռուսաստանի հետ. Լավրով

Մոսկվան հույս ունի, որ հայ ժողովուրդն իր պատմությունը կապում է Ռուսաստանի հետ, այլ ոչ թե «օվկիանոսի այն կողմից եկածների»: Այս մասին հայտարարել է ՌԴ ԱԳՆ ղեկավար Սերգեյ Լավրովը՝ ՄԱԿ-ի գլխավոր Ասամբլեայում ելույթից հետո կայացած ճեպազրույցում:

«Մենք խորապես համոզված ենք, որ հայ ժողովուրդը հիշում է մեր ընդհանուր պատմությունը և իր պատմությունը կապում է Ռուսաստանի և այլ բարեկամ երկրների, առաջին հերթին այս տարածաշրջանի երկրների, այլ ոչ թե օվկիանոսի այն կողմից եկածների հետ»,- ասել է նա։

Լավրովը նաև ասել է, որ աշխարհը կանգնած է ճամփաբաժանին, և շատ կարևոր է կանխել մեծ պատերազմի մեկնարկը:

«Մեզանից է կախված պատմության զարգացումը։ Ընդհանուր շահերից է բխում, որ մեծ պատերազմ թույլ չտանք և նախորդ սերունդների ստեղծած միջազգային համագործակցության մեխանիզմները վերջնականապես չփլուզվեն», - ասել է Լավրովը: