Ուկրաինան ԱԳՆ-ն հայտարարել է՝ չի ճանաչում Արցախի Հանրապետության նախագահի ընտրությունները

Ուկրաինայի ԱԳՆ հայտարարել է, որ չի ճանաչում Արցախի Հանրապետության նախագահի ընտրությունները։

«Այդ, այսպես կոչված, «նախագահական ընտրությունները» հակասում են միջազգային իրավունքի նորմերին ու սկզբունքներին, դրանց արդյունքներն ուժ չունեն:

Ուկրաինան կրկին աջակցություն է հայտնում Ադրբեջանի ինքնիշխանությանն ու տարածքային ամբողջականությանը՝ իր միջազգայնորեն ճանաչված սահմաններում և բոլոր հարցերը դիվանագիտական ​​ճանապարհով լուծելու կողմնակից է»,- նշված է ուկրաինական գերատեսչության հայտարարությունում։

Հիշեցնենք, որ Սամվել Շահրամանյանն ընտրվել է Արցախի Հանրապետության նախագահ: Գաղտնի քվեարկությանը մասնակցել է 23 պատգամավոր, որոնցից  22-ը քվեարկել է կողմ, իսկ 1-ը՝ դեմ։