Ցնցված ենք ավերիչ երկրաշարժից. ՀՀ ԱԳՆ-ն` Մարոկկոյում տեղի ունեցածի մասին
Հայաստանի ԱԳՆ-ն ցավակցություն է հայտնել Մարոկկոյի ավերիչ երկրաշարժի ժամանակ զոհվածների ընտանիքներին, իսկ տուժածներին մաղթել շուտափույթ ապաքինում։
«Ցնցված ենք ավերիչ երկրաշարժից, որը հարվածել է Մարոկկոյի հարավային հատվածին և խլել բազմաթիվ կյանքեր։ Մեր խորին ցավակցությունները զոհերի ընտանիքներին, իսկ վիրավորներին՝ շուտափույթ ապաքինում»,- գրված է ՀՀ ԱԳՆ-ի X-ի էջում:
Ավելի վաղ հայտնել էինք, որ Մարոկկոյում տեղի ունեցած ավերիչ երկրաշարժի զոհերի թիվը անցել է 1037-ը։
