Արտաշատում տղամարդը 17-ամյա տղայի ձեռքից դանակը խլել և խփել է նրա որովայնին

Արտաշատում վիճաբանությունն ավարտվել է դանակահարությամբ։ Այս մասին հայտնում է ՆԳՆ ոստիկանության մամուլի ծառայությունը։

«Օգոստոսի 21-ին` ժամը 20.00-ին, շտապօգնությունից ոստիկանության Արտաշատի բաժին հաղորդում է ստացվել, որ Արտաշատ քաղաքի Օրբելու փողոցի հասցեներից մեկում դանակահարություն է եղել»,–հայտնում է ոստիկանությունը։

Ձեռնարկած օպերատիվ-հետախուզական միջոցառումների շնորհիվ պարզվել է, որ ժամը 20.00-ի սահմաններում Արտաշատ քաղաքի Ներսիսյան և Օրբելու փողոցների խաչմերուկում տեղի ունեցած վիճաբանության ժամանակ 17-ամյա պատանին դանակով խփել է 42-ամյա համաքաղաքացու ձեռքին, նա էլ դանակը խլել և խփել է պատանու որովայնին:

Ըստ բժշկի տեղեկանքի՝ պատանուն պատճառվել էր կտրած-ծակած թափանցող վնասվածք:

Արտաշատի ոստիկանների բացատրական աշխատանքի արդյունքում 42-ամյա տղամարդը ներկայացել է բաժին:

Նա ձերբակալվել և ներկայացվել է Արարատի մարզային քննչական վարչություն: