ՏԵՍԱՆՅՈՒԹ. 2000 քմ տարածքում այրվում է ներկերով և լաքերով պահեստ. ՌԴ
Մերձմոսկովյան շրջանում հրդեհ է բռնկվել ներկի և լաքի արտադրանքի պահեստում: Այս մասին հայտնում է REN TV հեռուստաալիքը՝ հղում անելով տարածաշրջանային արտակարգ իրավիճակների նախարարությանը։
Միջադեպը տեղի է ունեցել Բոգորոդսկոյեում՝ Իլյիչի փողոցում։
Սկզբում տեղեկություն էր ստացվել, որ հրդեհը մոլեգնում է 1500 քառակուսի մետր տարածքի վրա, սակայն հետագայում հրդեհի տարածքը հասել է 2000 քառակուսի մետր։
Հրդեհի մարմանը ներգրավվել է ավելի քան 80 մարդ, 25 միավոր տեխնիկա։
Արտակարգ իրավիճակների նախարարությունից պարզաբանել են, որ մարումը բարդանում է պահեստի բարձր հրդեհային ծանրաբեռնվածությամբ, շենքի բարդ հատակագծով և պահեստի ներսում ներկերի ու լաքի արտադրանքի պահպանմամբ։
