Արտաշատում հիվանդանոց է տեղափոխվել 11 ամսական երեխայի դի. ինչ է հայտնի
Օգոստոսի 13-ին, ողբերգական դեպք է տեղի ունեցել Արարատի մարզում: Shamshyan.com–ի տեղեկություններով՝ ժամը 22:30-ի սահմաններում ոստիկանության Արտաշատի բաժին «Արտաշատ» բժշկական կենտրոնից ահազանգ է ստացվել, որ իրենց մոտ է տեղափոխվել երեխայի դի։
Կայքի հաղորդմամբ՝ իրավապահները պարզել են, որ մահացածը 11 ամսական Ն․ Ա.-ն է, որը նույն օրը՝ ժամը 22:00-ի սահմաններում, հարազատների կողմից «Արտաշատ» բժշկական կենտրոն տեղափոխելու ճանապարհին մահացել է։
Նախաձեռնվել է քրեական վարույթ։
Նշվում է, որ արտաքին զննությամբ դիակի վրա բռնության հետքեր չեն հայտնաբերվել։ Նշանակվել է դիակի դատաբժշկական փորձաքննություն:
