Իրանը պատրաստվում է կաթվածահար անել նավթի համաշխարհային երթուղիները․ Reuters

Իրանի ղեկավարությունը Եմենի հուսիթ ապստամբներին հորդորել է պատրաստվել Կարմիր ծովով անցնող նավթային երթուղու արգելափակմանը, եթե Միացյալ Նահանգները թիրախավորի իրանական էներգետիկ համակարգը։ «Reuters»-ի փոխանցմամբ՝ համապատասխան հանձնարարականն արդեն փոխանցվել է խմբավորմանը։ Այս քայլով Թեհրանն արձագանքում է իր ենթակառուցվածքներին հարվածելու վերաբերյալ ԱՄՆ սպառնալիքներին։

Աղբյուրների համաձայն՝ հուսիթներն արդեն ավարտել են նախապատրաստական աշխատանքները և սպասում են հրամանի։ Նրանք հրթիռներ ու անօդաչու սարքեր են տեղակայել Բաբ էլ-Մանդեբի նեղուցի հարևանությամբ գտնվող բարձունքներում։ Կարմիր ծով տանող այս դարպասը փակելու որոշումը կայացնելու են Եմենում գտնվող Իսլամական հեղափոխության պահապանների կորպուսի ներկայացուցիչները, որոնք կանցնեն ակտիվ գործողությունների ԱՄՆ հնարավոր հարձակման դեպքում։

Հորմուզի նեղուցի փակ լինելու պայմաններում Կարմիր ծովի արգելափակումը նշանակում է Մերձավոր Արևելքից նավթի արտահանման երկու հիմնական երթուղիների կաթվածահարում։ Այս ճանապարհով է անցնում համաշխարհային էներգակիրների մատակարարումների մոտ 7%-ը, որտեղ Սաուդյան Արաբիան վերաուղղորդել է իր արտահանման զգալի մասը։ Սաուդյան կողմը խիստ մտահոգված է Թեհրանի և հուսիների համակարգված գործողություններով։