Ադրբեջանը պետք է անհապաղ կատարի Արդարադատության միջազգային դատարանի որոշումները. Քենեթ Ռոթ

Ադրբեջանի կողմից արդեն 8 ամիս շարունակվող Լաչինի ճանապարհի շրջափակումը Լեռնային Ղարաբաղում հանգեցնում է մարդասիրական արտակարգ իրավիճակի, տառապանքի ու զրկանքների։ Այս մասին X-ի իր միկրոբլոգում գրել է Human Rights Watch միջազգային իրավապաշտպան կազմակերպության նախկին գործադիր տնօրեն Քենեթ Ռոթը։

Նա գրառմանը կից Լաչինի միջանցքն ապաշրջափակելու վերաբերյալ նաև Ադրբեջանին ուղղված ՄԱԿ-ի փորձագետների կոչն է կցել։

«Ադրբեջանը պետք է անհապաղ կատարի Արդարադատության միջազգային դատարանի որոշումները և դադարեցնի առաջին անհրաժեշտության ապրանքների մատակարարման և ազատ տեղաշարժի ճանապարհի արգելափակումը»,- գրել է Ռոթը։