Կիևը ցանկանում է չեղարկել Իսրայելի հետ առանց վիզայի ռեժիմը

Կիևը դիտարկում է Իսրայելի հետ առանց վիզայի ռեժիմի չեղարկման հնարավորությունը և ուզում է նախաձեռնել, որ Երուսաղեմը հեռացվի Ուկրաինային ռազմական օգնություն տրամադրելու կոնտակտային խմբի հանդիպումներից։ Տեղեկությունը հայտնում է ՌԻԱ Նովոստին` հղում անելով ուկրաինական «Kyiv Post» թերթին։

«Հիմնական պատճառը Ուկրաինայի նկատմամբ Իսրայելի ոչ բարեկամական սիստեմատիկ գործողություններն են և միջազգային դաշտում փաստացի ռուսամետ դիրքորոշումը», – ասել է պարբերականի աղբյուրը։

Նրա խոսքով` Կիևը նախաձեռնել է նաև, որ Իսրայելը հեռացվի Ուկրաինային ռազմական օգնություն ցուցաբերելու «Ռամշտայն» ձևաչափով հանդիպումներից։

Իսրայելը ռուսական ռազմական հատուկ գործողությունը դատապարտող երկրներից է, բայց Իսրայելի նախորդ և գործող կառավարությունը հետևողականորեն զերծ է մնում Կիևին ռազմական օգնություն ցուցաբերելուց և սպառազինություն մատակարարելուց` սահմանափակվելով հումանիտար բեռների մատակարարմամբ։

Իսրայելի վարչապետ Բենիամին Նեթանյահուն ավելի վաղ հայտարարել էր, որ որոշ զենքեր, որոնք Ուկրաինային են փոխանցել Արևմուտքի երկրները, 

արդեն հայտնվել են Իսրայելի սահմանների մոտ, և Երուսաղեմը մտավախություն ունի, որ Կիևին սպառազինություն որևէ համակարգ մատակարարելու դեպքում դա կհայտնվի Իսրայելի թշնամիների մոտ, օրինակ` Իրանի։