Նոր մանրամասներ վերելակի «ընկնելու» մասին

Վերելակի անիվից պարաններց մեկը դուրս է եկել, ինչի պատճառով վերելակը արագ է իջել ներքև: Այս մասին Auroranews-ի հետ զրույցում ասաց Երևանի քաղաքապետի մամուլի քարտուղար Հայկ Կոստանյանը:

«Քաղաքպետարանի կոմունալ տնտեսության վարչությանը տեղեկացրել են, որ վաղը մասնագետները կգնան դեպքի վայր և կլուծեն խնդիրը»,- ասաց Կոստանյանը:

Ոստիկանությունից հայտնեցին, որ պարզապես վերելակի մեջ քաղաքացու ինքնազգացողությունը վատացել է։ Դուռը բացվել է տեղի ուժերով և ներսում գտնվող քաղաքացին հոսպիտալացվել է մինչև փրկարարների կանչի վայր հասնելը։

Ավելի վաղ հայտնել էինք, որ  Երևան քաղաքի Արգիշտի 11/3 հասցեում վերելակն ընկել է 1-ին հարկ։ Ներսում եղած կինը վնասվածքներ է ստացել և բարեբախտաբար ողջ մնացել: