«Մեր շենքի միակ «աշխատող» վերելակն ընկավ 1-ին հարկ. ներսում եղած կինը վնասվածքներ ստացավ». Արմեն Ալավերդյան
«Քիչ առաջ 4 կամ 5-րդ հարկից մեր շենքի միակ «աշխատող» վերելակն ընկավ 1-ին հարկ։ Ներսում եղած կինը վնասվածքներ ստացավ, բայց, բարեբախտաբար, ողջ մնաց։ Այս մասին ֆեյսբուքյան իր էջում գրել է «Ունիսոն» ՀԿ գործադիր տնօրեն Արմեն Ալավերդյանը:
Սա կարդացողներից կա՞ն մարդիկ և/կամ կազմակերպություններ, որոնք լուծում կտան այս հարցին։ Թե՞ սպասենք այլ՝ ավելի տխուր պատահարների։ Էլ չեմ ասում իմ մասին (սայլակով 10-րդ հարկից իջնել-բարձրանալը դաժան է)...
Ոստիկանությունը և փրկարարները տեղում են, բայց այս խնդրին հիմնավոր լուծում պետք է տալ»,- գրել է նա:
Auroranews-ը տեղեկացավ, որ դեպքը տեղի է ունեցել Արգիշտի 11/3 հասցեում:
