«Ես կտրականապես դեմ եմ Ռուսաստանի բարբարոսական ներխուժմանը Ուկրաինա». Yandex-ի համահիմնադիր
Yandex-ի համահիմնադիր Արկադի Վոլոժն այժմ աջակցում է երկրից հեռացած ռուս ինժեներներին: Այս մասին հայտնում է ՏԱՍՍ-ը:
Վոլոժը նաև ընդգծել է, որ իր «Յանդեքսի պատմությունն ավարտվել է» 2022 թվականի փետրվարից և անհամաձայնություն է հայտնել հատուկ ռազմական գործողություն իրականացնելու Ռուսաստանի որոշման հետ։
«Ես կտրականապես դեմ եմ Ռուսաստանի բարբարոսական ներխուժմանը Ուկրաինա, որտեղ ես, ինչպես շատերը, ունեմ ընկերներ և հարազատներ։ Ինձ սարսափեցնում է այն փաստը, որ ամեն օր ռումբեր են թռչում ուկրաինացիների տների վրա։ Չնայած այն հանգամանքին, որ ես Ռուսաստանում չեմ ապրում 2014 թվականից, բայց հասկանում եմ, որ պատասխանատվության բաժին ունեմ նաև երկրի գործողությունների համար»,- ասել է Վոլոժը։
«Շատ պատճառներ կային, թե ինչու էի ես ստիպված լռել։ Դուք կարող եք վիճել իմ հայտարարության արդիականության, բայց ոչ դրա էության մասին։ Ես դեմ եմ պատերազմին»,- հավելել է Վոլոժը։
