Նուլանդը իշխանությունը զավթածներին բացատրել է` դիվանագիտական լուծումներից հրաժարվելը ծանր գին է ունենալու
ԱՄՆ պետքարտուղարի տեղակալ Նուլանդը Նիգերում իշխանությունը զավթած խունտային հստակ բացատրել է, որ սահմանադրական կարգին չվերադառնալը և դիվանագիտական լուծումներից հրաժարվելը ծանր գին է ունենալու` ԱՄՆ կողմից հարյուրավոր միլիոն դոլարի օգնությունը կդադարեցվի։ Ասել է ԱՄՆ պետդեպի խոսնակը: Բարդ խոսակցություններ են եղել, սակայն անարդյունք։
Ռուսական «Wagner»-ը փորձում է օգտվել Նիգերի անկայունությունից, BBC-ին տված հարցազրույցում ասել է ԱՄՆ պետքարտուղար Էնթոնի Բլինկենը։
Հուլիսի վերջին նախագահ Մուհամեդ Բազումի տապալումից հետո երկիրը կառավարվում է ռազմական խունտայի կողմից:
«Կարծում եմ, որ այն, ինչ տեղի է ունեցել և շարունակում է տեղի ունենալ Նիգերում, չի հրահրվել Ռուսաստանի կամ Վագների կողմից, այլ… նրանք փորձել են օգտվել դրանից»,- ասել է Բլինկենը:
Ավելի վաղ հայտնել էինք, որ ԱՄՆ փոխպետքարտուղարի պաշտոնակատար Վիկտորյա Նուլանդը Նիգերում է։ Նա բանակցություններ է վարել ռազմական առաջնորդների հետ, որոնք ավելի վաղ իշխանությունից հեռացրել էին երկրի նախագահին:
