«Կայացած բանակցությունների ընթացքում կողմերը կարողացել են հարթել տարաձայնությունները». Բայրամով
Ադրբեջանի ԱԳ նախարար Ջեյհուն Բայրամովը նշում է, որ առաջընթաց կա Հայաստանի հետ խաղաղության հաստատման և միջպետական հարաբերությունների մասին ապագա համաձայնագրի մի շարք հոդվածներում:
«Կայացած բանակցությունների ընթացքում կողմերը կարողացել են հարթել տարաձայնությունները և առաջընթացի հասնել ապագա երկկողմ խաղաղության և միջպետական հարաբերությունների հաստատման մասին համաձայնագրի մի շարք հոդվածների շուրջ», - նշում է Բայրամովը:
Այս մասին Ադրբեջանի ԱԳ նախարարը հայտնել է հուլիսի 20-ին՝ ՄԱԿ-ի անվտանգության խորհրդի նախագահողին ուղղված նամակում:
«Այս վճռական պահին միջազգային հանրության համար առավել քան երբևէ կարևոր է մերժել Հայաստանի կողմից իրականացվող մանիպուլյացիայի փորձերը և համոզել Երևանին՝ վերջապես դադարեցնել Ադրբեջանի ինքնիշխանությունն ու տարածքային ամբողջականությունը խաթարող գործողությունները, զերծ մնալ նրա ներքին գործերին միջամտելուց և փոխարենը բարեխղճորեն մասնակցել հակամարտությունից հետո հարաբերությունների կարգավորման բանակցություններին», - ընդգծել է Բայրամովը:
ԱԳ նախարարը վերահաստատել է Ադրբեջանի հանձնառությունը Հայաստանի հետ հարաբերությունների կարգավորման գործընթացին․ «Այս առումով Ադրբեջանը նախկինի պես ակնկալում է միջազգային հանրության աջակցությունը Հայաստանի հետ երկկողմ հարաբերությունների կարգավորման շարունակական գործընթացին»,- նշել է Բայրամովը:
Նմանատիպ հոդվածներ
«Այդ դեպքում երկու ելք է մնում». Դավիթ Բաբայան
«Էժանագին խայծ է». ՌԴ ԱԳՆ-ն մեկնաբանել է Մոսկվայում Հայաստանի դեսպանի աշխատանքից դժգոհ լինելու մասին լուրերը
ՀԱՊԿ դիտորդների տեղակայման հարցում հայկական կողմի դիրքորոշման մեջ փոփոխություն չկա. ՀՀ ԱԳՆ
«Խաղաղապահները հրաժարվում են ուղեկցել արցախցիների ավտոերթը դեպի Հակարիի կամուրջ». Օսիպյան
Ավելին Քաղաքականություն բաժնից
Դատախազությունը պահանջում է Մխիթար Զաքարյանից բռնագանձել 12 անշարժ գույք
Պատրաստ եմ հոգեկան առողջության թեստ հանձնել. Քոչարյան
Հայտնի է «Լուսավոր Հայաստանի» նախընտրական ցուցակի առաջին 5–յակը
