Պեսկովը խոսել է Պուտինի՝ Հյուսիսային Կորեայի առաջնորդ Կիմ Չեն Ընին ուղղված ուղերձի մասին
Կրեմլի խոսնակ Դմիտրի Պեսկովը չի բացահայտել, թե ինչ է պարունակվում ՌԴ նախագահ Վլադիմիր Պուտինի՝ Հյուսիսային Կորեայի առաջնորդ Կիմ Չեն Ընին ուղղված ուղերձում, որը փոխանցել է ՌԴ պաշտպանության նախարարության ղեկավար Սերգեյ Շոյգուն Հյուսիսային Կորեա կատարած այցի ժամանակ։ Այս մասին հայտնում է РИА Новости-ն։
«Դա անձնական հաղորդագրություն էր», - ասել է Պեսկովը գործակալության լրագրողին պատասխանելով հաղորդագրության բովանդակության մասին հարցին:
Հուլիսի 27-ին Պուտինը հեռագիր է ուղարկել Հյուսիսային Կորեայի առաջնորդ Կիմ Չեն Ընին՝ շնորհավորելով 1950-1953 թվականների Կորեական պատերազմում տարած հաղթանակի կապակցությամբ։ Ռուսաստանի ղեկավարն առաջին անգամ է շնորհավորել Փհենյանին այս տոնի կապակցությամբ։ Նամակում Պուտինը կոչ է արել պահպանել և մեծացնել «բարեկամության, բարիդրացիության և փոխօգնության փառավոր ավանդույթները», ինչպես նաև շարունակել դիմակայել հավաքական Արևմուտքին։
Ավելի վաղ հայտնի էր դարձել, որ Շոյգուն հուլիսի 26-ին Փհենյանում Կիմ Չեն Ինի հետ հանդիպման ժամանակ նրան ՌԴ նախագահի անձնական ուղերձն է փոխանցել։
Կորեայի կենտրոնական լրատվական գործակալության (KCNA) հաղորդմամբ՝ Հյուսիսային Կորեայի առաջնորդը երախտագիտություն է հայտնել ուղերձի համար։ Գործակալության տվյալներով՝ հաղորդվել է նաեւ, որ ՌԴ պաշտպանության նախարարն ու Կիմ Չեն Ընը նվերներ են փոխանակել։
