Թել Ավիվում հազարավոր մարդիկ բողոքում են դատաիրավական բարեփոխումների դեմ
Թել Ավիվում հազարավոր մարդիկ դուրս են եկել բողոքի ցույցի՝ ընդդեմ դատաիրավական բարեփոխումների։ Ցուցարարները վանկարկում են հակակառավարական կարգախոսներ և այրում պիրոտեխնիկա։ Այս մասին հայտնում է ТАСС-ը։
Ցույցը տեղի է ունենում քաղաքի արևելքում գտնվող կառավարական համալիրի մոտ, որտեղ ընդդիմությունը տարեսկզբից անցկացնում է իր ամենշաբաթյա հանրահավաքները՝ ընդդեմ դատաիրավական բարեփոխումների։ Ճանապարհի վրա ցուցարարները մի քանի վայրերում կրակ են վառել և չեն պատրաստվում ցրվել։ Այնտեղ են նաև ոստիկանական ստորաբաժանումներ և ջրցան մեքենաներ։
Իսրայելի խորհրդարանն այսօր հաստատել է դատաիրավական բարեփոխումների առաջին մասը, որն առաջացրել է ընդդիմության հակազդեցությունը։
