Ես կոչ եմ անում Հայաստանի իշխանություններին ավելի զգույշ լինել իրենց հայտարարություններում․ Արայիկ Հարությունյան
Լեռնային Ղարաբաղի Հանրապետության ղեկավար Արայիկ Հարությունյանն ասել է, որ Ղարաբաղը շարունակելու է ինքնորոշման պայքարը և կոչ է արել Հայաստանի իշխանություններին զգույշ լինել Ադրբեջանի տարածքային ամբողջականության ճանաչման հարցում իրենց հայտարարություններում։ Այս մասին գրում է Интерфакс-ը։
«Ոչ մի երկիր չի կարող մեզ զրկել ինքնորոշման իրավունքից։ Ես կոչ եմ անում Հայաստանի իշխանություններին ավելի զգույշ լինել իրենց հայտարարություններում։ Ինքնորոշման իրավունքը միջազգային նորմ է, մեր իրավունքը, որից մենք օգտվում ենք նաև այսօր», - ասել է Հարությունյանը երկուշաբթի կայացած մամուլի ասուլիսում՝ պատասխանելով լրատվամիջոցի հարցին։
Նա նշել է, որ անկախ հայտարարություններից, Լեռնային Ղարաբաղը կշարունակի պայքարն ինքնորոշման համար։
Ավելի վաղ Հայաստանի իշխանությունները հայտարարել էին, որ ճանաչում են Ադրբեջանի տարածքային ամբողջականությունը, այդ թվում՝ Լեռնային Ղարաբաղը։
Արայիկ Հարությունյանը նաև նշել է, որ պատրաստ է Բաքվի հետ երկխոսության, որը «պետք է նաև հաշվի առնի մեր իրավունքները և վարվի իրավահավասարության սկզբունքով»։
Հարությունյանը հայտարարել է, որ Լաչինի միջանցքը, որը կապում է Լեռնային Ղարաբաղը Հայաստանի հետ, պետք է ապաշրջափակվի՝ կանխելու հումանիտար աղետը և սննդամթերքի մատակարարումը, բայց միևնույն ժամանակ դեմ է արտահայտվել Բաքվից Բարդա-Աղդամ ճանապարհով սնունդ մատակարարելու Ադրբեջանի առաջարկին։
Նա նշել է, որ Լեռնային Ղարաբաղում տեղակայված ռուս խաղաղապահները նույնպես դժվարություններ ունեն պարենով ապահովվելու հարցում, և «նրանք օգտվում են նաև սննդի մեր սուղ պաշարներից»։
