Հայաստանը մտադիր է ամբարտակ կառուցել Թուրքիայի հետ սահմանին․ Sputnik

Արարատի մարզի Արաքսավան և Բուրաստան համայնքների շրջանում Արաքս գետը նախկին հուն վերադարձնելու համար պատնեշի կառուցման արժեքը կկազմի մոտ 1 մլն դոլար:
 

ArmeniaSputnik-ի հարցմանն ի պատասխան այս մասին հայտնել են ՀՀ տարածքային կառավարման և ենթակառուցվածքների նախարարության մամուլի ծառայությունից։
 

Ֆինանսավորման աղբյուրի մասին հարցին նախարարությունից պատասխանել են, որ «ներկայում համապատասխան քննարկումներ են ընթանում»:

Նախագծանախահաշվային փաստաթղթերով` շինարարական աշխատանքների տևողությունը կկազմի 16 ամիս՝ պայմանագիրն ուժի մեջ մտնելու պահից սկսած:
 

Ինչ վերաբերում է նախագծի արժեքին` ըստ նախագծային փաստաթղթերի` շինարարական աշխատանքների, ինչպես նաև որակի տեխնիկական և հեղինակային հսկողության համար կպահանջվի շուրջ 384,7 մլն դրամ, որից 378 միլիոնը շինարարական աշխատանքների, մոտ 5 միլիոնը տեխնիկական հսկողության, 1,5 միլիոնն էլ հեղինակային հսկողության համար։
 

Ֆինանսավորման աղբյուրի մասին հարցին նախարարությունից պատասխանել են, որ «ներկայում համապատասխան քննարկումներ են ընթանում»:
 

Հիշեցնենք, որ ավազի ապօրինի արդյունահանման հետևանքով Արաքս գետը, որով անցնում է Թուրքիայի հետ սահմանը, փոխել է հունը, և դրա սահմաններից դուրս ձևավորվել է մոտ 400 հա մակերեսով կղզի: