90-ականները վերադառնում են․ Financial Times-ը՝ ՀՀ-ից ՌԴ մեքենա արտահանման մասին
Անցած տարվա հունվարին Հայաստանն ԱՄՆ-ից գրեթե 3 մլն դոլարի ավտոմեքենա է ներկրել։ Արդեն մեկ տարի անց ծավալներն աճել են գրեթե տասն անգամ։ Այս մասին գրում է Financial Times-ը։ Ըստ հոդվածի՝ 2023 թվականի ապրիլին Հայաստանում 34 միլիոն դոլարի ամերիկյան ավտոմեքենա է ներկրվել։
«Հայաստանը ավտոմեքենա արտադրող երկիր չէ, սակայն ավտոմեքենաների արտահանումը փոքր երկրից՝ Հայաստանից դեպի Ռուսաստան աճել է՝ ռուս-ուկրաինական հակամարտության սկսվելուց հետո» ,- նշվում է հաղորդագրության մեջ։
Հոդվածում նաև հաղորդվում է, որ Հայաստանի համար սա հանգեցրել է տնտեսական հսկայական «բումի»։ Մինչ ռուս-ուկրաինական հակամարտության սկսվելը, Հայաստանը ԱՄՆ-ից ներմուծել է 2,8 մլն դոլարի ավտոմեքենա։ Սակայն մեկ տարի անց այդ թիվը հասել է 29,5 միլիոն դոլարի:
Հոդվածում նշվում է, որ ռուս սպառողները դիմել են երրորդ երկրներին՝ այնտեղ փնտրելով այն ապրանքատեսակները, որոնք դուրս են եկել ՌԴ-ից՝ արևմտյան պատժամիջոցների հետևանքով: Այդպիսի երկրներից են Հայաստանը, Թուրքիան և Ղազախստանը։
«Այս բիզնեսը վաղուց գոյություն ունի։ Այն շատ տարածված էր 90-ականներին, քանի որ պաշտոնական շուկան դեռ չէր զարգացել», - նշում է հոդվածագիրը՝ նկատի ունենալով Խորհրդային Միության փլուզումից անմիջապես հետո այն ժամանակաշրջանը, երբ առևտուրը հաճախ գաղտնի էր իրականացվում։
«Հիմա մենք վերադառնում ենք այդ օրերին» , - ասվում է հոդվածում։
