Տղան մոտեցել էր ծխախոտ խնդրելու․ մանրամասներ՝ ռուս տղայի գլխամաշկը «մազերի պատճառով» հանելու դեպքից
Մոսկվայի մարզի Էլեկտրոստալ քաղաքում ռուս տղայի գլխամաշկը «մազերի պատճառով» հանելու մեջ կասկածվողները հայտնաբերվել են։ Երկու կասկածյալներն էլ բերման են ենթարկվել։ Նրանցից երկրորդին հաջողվել էր մեկնել Օբնինսկ, որտեղ նրան բռնել են։ Ինչպես ավելի վաղ գրել էինք, երեկ երեկոյան բերման է ենթարկվել առաջին ենթադրյալ հարձակվողը, պարզվել է, որ նա Կոմի Հանրապետության 24-ամյա բնակիչ է։ Տուժած տղան այժմ հիվանդանոցում է, նրան երկար բուժում է սպասվում։ Տղան պատմել է, որ ինքը մոտեցել է երկու տղամարդու՝ ծխախոտ խնդրելու, բայց նրանք հանկարծակի ագրեսիվ են արձագանքել նրա արտաքինին։ Դրանից հետո ծեծկռտուք է տեղի ունեցել, ինչի արդյունքում մաշկի մի մասի հետ դանակով կտրել են տղայի մազերը, ապա դիմել փախուստի։
Ավելի վաղ հայտնել էինք, որ Էլեկտրոստալում միգրանտները հանել են ռուս տղայի գլխամաշկը «մազերի պատճառով»։
