Բնակիչներն սկսում են վերակառուցել Ջենինը․ նոր մանրամասներ
Բնակիչներն սկսում են վերակառուցել Պաղեստինի քարուքանդ եղած Ջենին քաղաքը։ Այս մասին հաղորդում է Al Jazeera-ն։ Նշվում է, որ մոտ 3000 բնակիչներ են լքել քաղաքը։
«Մարդիկ փորձում են վերականգնել էլեկտրաէներգիան, վերակառուցել ռազմական բախումների ժամանակ վնասված փողոցները։ Նրանք փորձում են վերադառնալ բնականոն կյանքին», - ասել է Al Jazeera-ի թղթակիցը՝ Ջենինից։
Հաղորդվում է նաև, որ բանկիչները մեծ ուրախությամբ են վերադառնում իրենց ծննդավայրերը։ Նրանք «գերադասում են լինել այստեղ, քան որևէ այլ վայրում»:
Հիշեցնենք, որ Իսրայելի պաշտպանության բանակը երկուշաբթի օրը՝ հուլիսի 3-ի առավոտյան հարձակվել էր Պաղեստինի Ջենին քաղաքում գտնվող ճամբարների վրա։ Իսրայելի ՊԲ մամուլի ծառայությունը նշել էր՝ տեղի զինյալները հարձակումներ էին ծրագրում Իսրայելի դեմ։ Մարտերի ընացքում զոհվեցին 10, վիրավորվեցին 100 հոգի։
