Լարված իրավիճակ՝ Պաղեստինում․ Իսրայելը շարունակում է ավիահարվածներ հասցնել Ջենինին

Իրավիճակը Պաղեստինում շարունակում է լարված մնալ։ Պաղեստինի Առողջապահության նախարարությունն արդեն հայտարարում է 9 զոհի մասին։ Նրանցից շատերը երիտասարդներ են՝ 16-23 տարեկան։ 

Արաբական Al Jazeera-ն հայտնում է, որ իսրայելական ուժերը ավիահարվածներով և ցամաքային հարձակումներով շարունակում են հարվածել Ջենինին։

Նշվում է, որ Իսլամական համագործակցության կազմակերպությունը (ԻՀԿ) դատապարտել է իսրայելական գործողությունը։ Կազմակերպությունն այն անվանել է «զզվելի հանցագործություն»։

Լրատվականը նաև ներկայացնում է իր ավագ քաղաքական վերլուծաբան Մարվան Բիշարանի կարծիքը՝ պայմանավորված ստեծված իրավիճակով։ Նա քննադատում է միջազգային հանրության «դատարկ խոսքերը»: 

«Իսրայելը լիակատար անպատժելիությամբ շարունակում է անել այն, ինչ արել է վերջին կես դարում: Հիմա նրանք ավելի ագրեսիվ ու գռեհիկ են դարձել» ,- ասել է տեղացին։ 

Al Jazeera-ի թղթակցի հետ զրույցում տեղաբնակներից մեկն ասել է, որ երեխաները վախեցած են։ 

«Ես ընտանիքիս աթնացրեցի ուշ գիշերը։ Նրանք հատվածում էին։ Մենք արթնացանք հրետակոծության ձայնից» ,- ասել է տեղացիներից մեկը։ 

Հիշեցնենք, որ Իսրայելի պաշտպանության բանակն առավոտյանհարձակվել էրՊաղեստինի Ջենին քաղաքում գտնվող շտաբի վրա։ Իսրայելի ՊԲ մամուլի ծառայությունը նշել էր՝ տեղի զինյալները հարձակումներ էին ծրագրում Իսրայելի դեմ։