Ադրբեջանի ԳՇ պետն այցելել է Արցախի օկուպացված մարտական դիրքեր
Ադրբեջանի պաշտպանության նախարարի առաջին տեղակալ, զինված ուժերի գլխավոր շտաբի պետ Քերիմ Վելիևը այցելել է «ղարաբաղյան տնտեսական գոտում» տեղակայված զորամասեր ու մարտական դիրքեր: Այս մասին հայտնում է ԱՊԱ գործակալությունը։
Նա նախ խորհրդակցություն է անցկացրել ցամաքային զորքերի մարտական կառավարման կենտրոնում։
«Այնուհետև նա այցելել է Քելբաջարում, Լաչինում և Աղդամում տեղակայված զորամասեր»,- ասված է հայտարարության մեջ։
Նշվում է նաև, որ Վելիևը եղել է մի շարք մարտական դիրքերում։ Հրամանատարության առջև խնդիրներ են դրվել՝ ավելի լավ կազմակերպել մարտական հերթապահությունը, բարձրացնել անձնակազմի զգոնությունը և վճռականորեն կանխել ցանկացած սադրանքները։
