ՏԵՍԱՆՅՈՒԹ․ Չափից դուրս հավակնություններն ու անձնական շահերը հանգեցրել են դավաճանության. Պուտին

Վլադիմիր Պուտինը դիմել է ռուսներին, զինվորականներին ու իրավապահ մարմիններին.

 «Չափից դուրս հավակնություններն ու անձնական շահերը հանգեցրել են դավաճանության: Հատուկ գործողության ընթացքում պետք է վերացնել ցանկացած վեճ, այժմ որոշվում է մեր ժողովրդի ճակատագիրը»,- ուղերձում ասում է Պուտինը:

ՌԴ նախագահի խոսքով՝ «Վագների» մարտիկները հերոսներ են, որոնց անունն ու փառքը դավաճանել են նրանք, ովքեր կազմակերպել են խռովությունը։ Ցանկացած խռովություն մահացու վտանգ է։ ՌԴ Զինված ուժերը ստացել են համապատասխան հանձնարարականներ չեզոքացնելու այս ամենի կազմակերպիչներին։

Պուտինը տեղի ունեցող իրադարձությունները համեմատել է 1917թ. հետ` հիշեցնելով, որ բանակի ներսում խռովությունները հանգեցրին 1-ին աշխարհամարտում Ռուսաստանի պարտությանը, տարածքային կորուստներին և քաղաքացիական պատերազմի։

«Վճռական գործողություններ կձեռնարկվեն, դրանք կլինեն կոշտ:

Իշխանությունները թույլ չեն տա, որ Ռուսաստանում պառակտումը կրկնվի, մենք կպաշտպանենք ժողովրդին»,- ասել է Վլադիմիր Պուտինը: