Քարաթափում Մովսես գյուղում. 8 ժայռաբեկորները վնասել են շինության տանիքն ու «ԳԱԶԵԼ» մակնիշի մեքենան

Տավուշի մարզի Մովսես գյուղում քարաթափում է եղել։ Այս մասին հայտնում են ՆԳՆ փրկարար ծառայությունից։

Երեկ՝ հունիսի 22-ին, ժամը 22։58-ին Տավուշի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Մովսես գյուղի 9-րդ փողոցի տներից մեկի մոտակայքում տեղի է ունեցել քարաթափում:

Պարզվել է, որ տան մոտակա ժայռից տեղի է ունեցել քարաթափում (8 ժայռաբեկոր)․ վնասվել են տան մոտակայքում գտնվող օժանդակ շինության տանիքը և հենապատը՝ մասամբ, կայանած «GAZel» մակնիշի ավտոմեքենայի անվաթևը և փայտե շինությունը (մոտ 4 քմ). տուժածներ չկան։

Նշվում է, որ փրկարարները սահմանազատել են տարածքը։