Արմավիրի մարզի Եղեգնուտ համայնքի բնակիչներն Auroranews-ին տեղեկացրել են, որ երեկ երեկոյան տեղացած կարկուտի պատճառով գյուղացիների մշակաբույսերի մեծ մասը հավասարվել է հողին։ 

«Նկարի մեջ սեխի մշակաբույսերն են, բայց ամեն տեսակի բույսեր կան գյուղում  ու 100 % վնասի չափ, ծառերը ևս վնասվել են», - ասաց մեզ հետ կապ հաստատած բնակիչներից մեկը։ 

Բնակիչները նշում են, որ մոտ 15 րոպե տևողությամբ տեղացած կարկուտը ոչնչացրել է իրենց եկամտի աղբյուրը։