ՏԵՍԱՆՅՈՒԹ. Հայաստանի ժողովրդավարությանը սպառնացող բոլոր հնարավոր վտանգներն արտաքին են. Փաշինյան

ՀՀ վարչապետ Նիկոլ Փաշինյանը «Ժողովրդավարության հայկական ֆորում»-ի  ժամանակ հայտարարել է, թե Հայաստանում համացանցն ազատ է, մամուլն ազատ է, ընտրություններն ազատ են։

Փաշինյանի խոսքով՝ ժողովրդավարությունը Հայաստանի հիմնական բրենդն է։ Նա կարևորել  է, որ սա իրենց համոզմունքն է ու ռազմավարությունը.

 «Ես համարում եմ, որ այն տնտեսական բարձր աճը, որն այսօր ունենք, նաև տնտեսական ազատությունների արդյունք է, որովհետև եթե տնտեսությունը կառավարելի լիներ ու կառավարվող լիներ պետության կողմից, ես կարծում եմ, որ հատկապես հետպատերազմական շրջանում մենք շատ լուրջ ու խորը պրոբլեմներ կունենայինք, բայց քանի որ այդ ազատությունները հասել են նաև տնտեսության մակարդակ, ամենածանր ու վճռական պահին եկավ մեզ օգնության»։ 

Նիկոլ Փաշինյանն ընդգծել է, որ Հայաստանում ժողովրդավարությանը սպառնացող ոչ մի ներքին վտանգ չկա. 

«Հայաստանի ժողովրդավարությանը սպառնացող բոլոր հնարավոր վտանգներն արտաքին են ու այդ վտանգները հանրահայտ են ու տեսանելի բոլորին»։