Դիտարկվում է Էյֆելյան աշտարակի վրա օլիմպիական կրակի տեղադրման տարբերակը
Փարիզի ամառային օլիմպիական խաղերի կազմկոմիտեն դիտարկում է Էյֆելյան աշտարակի վրա օլիմպիական կրակի տեղադրման տարբերակը: Տեղեկությունը հայտնում է Reuters-ը։ Դեռևս հայտնի չէ` կրակը կմնա աշտարակի վրա միջոցառման ողջ ընթացքում, թե դա միայն խաղերի բացման արարողության ժամանակ կլինի:
Նախագիծը քննարկվում է արդեն երկու տարի։ Նշվում է, որ օլիմպիական կրակը Էյֆելյան աշտարակի գագաթին չի կարող տեղադրվել, քանի որ այնտեղ կան ալեհավաքներ, հնարավոր են կայծակներ և այլն:
Կազմկոմիտեի ներկայացուցիչներն առայժմ ձեռնպահ են մնում թեմայի վերաբերյալ մեկնաբանություններից։
