Մասկը պահանջել է իր հետ համաձայնեցնել Tesla-ի յուրաքանչյուր նոր աշխատակցի աշխատանքի ընդունելու հարցը
Գործարար Իլոն Մասկը, որն ավելի վաղ հայտարարել էր Tesla ավտոարտադրողին ավելի մեծ ուշադրություն դարձնելու պատրաստակամության մասին, պահանջել է, որ ընկերությունն իր հետ համաձայնեցնի նոր աշխատակիցներ ընդունելու յուրաքանչյուր որոշում, հայտնում է CNBC-ն։
Լրագրողները վկայակոչում են Tesla-ի աշխատակիցներին էլեկտրոնային փոստով ուղարկված գործարարի նամակը։
«Փոխնախագահները պետք է շաբաթը մեկ ինձ ուղարկեն իրենց բաժին ընդունվելու հարցումների ցուցակը»,- նշվում է նամակի տեքստում։
Մասկը նաև հայտարարել է, որ ոչ ոք չի կարողանա միանալ Tesla-ին, նույնիսկ որպես մատակարար, մինչև հաստատումը չստանա։ Գործարարն ընդգծել է, որ նոր որոշումը պայմանավորված է հասկանալու ցանկությամբ, թե ինչպես է իրականացվում հավաքագրումը ընկերությունում։
Միևնույն ժամանակ, Tesla-ի որոշ աշխատակիցներ, ըստ հեռուստաալիքի, որոշումը կապում են «հավաքագրման գործընթացի փափուկ սառեցման հետ»:
Ավելի վաղ հաղորդվել էր, որ Մասկը ԱՄՆ-ից մեկնել է Ֆրանսիա և ժամանել Վերսալյան պալատ՝ քննարկելու եվրոպական երկրում էլեկտրական մեքենաների ամերիկյան արտադրողի նախագծերը։
