ԼԳԲՏ-ի կողմնակիցներին մենք կթաղենք քվեատուփերում. Էրդողանը մեղադրել է ընդդիմությանը
Թուրքիայի նախագահ Ռեջեփ Թայիփ Էրդողանը երեկ Ստամբուլում տեղի ունեցած հանրահավաքի ժամանակ ընդդիմությանը մեղադրել է ԼԳԲՏ համայնքին աջակցելու մեջ և խոստացել «թաղել իր հակառակորդներին քվեատուփերում»։ Այս մասին հայտնում է Reuters-ը։
««Արդարություն և զարգացում» կուսակցությունը և մեր դաշինքի մյուս կուսակցությունները երբեք ԼԳԲՏ-ամետ չեն լինի, քանի որ ընտանիքը մեզ համար սուրբ է: ԼԳԲՏ-ի կողմնակիցներին մենք կթաղենք քվեատուփերում»,- ասել է Էրդողանը։
Վերջին տարիներին Էրդողանը խստացրել է իր հռետորաբանությունը ԼԳԲՏ համայնքի դեմ՝ հաճախ նրանց անվանելով «շեղված»։
Հիշեցնենք` երեկ Ստամբուլում տեղի է ունեցել Էրդողանի նախընտրական հանրահավաքը, որին մասնակցել է 1,7 միլիոն մարդ: Թուրքիայի նախագահական ընտրությունները տեղի կունենան մեկ շաբաթից՝ մայիսի 14-ին։
