ՏԵՍԱՆՅՈՒԹ. Էրդողանի նախընտրական հանրահավաքին հավաքվել է 1,7 միլիոն մարդ

Էրդողանի նախընտրական հանրահավաքին Ստամբուլում ներկա եղել են  ավելի քան 1,7 միլիոն մարդ: Երկրի ղեկավարի աջակցության ցույցը, որը կազմակերպել էր նրա գլխավորած իշխող «Արդարություն և զարգացում» կուսակցությունը, անցկացվել է Ազգային պարկում, որը գտնվում է նախկին Աթաթուրքի անվան միջազգային օդանավակայանի տարածքում։ Այնտեղ անվտանգության ուժեղացված միջոցառումներ են ձեռնարկվել, և հավաքի ճանապարհին գտնվող բոլորին ոստիկանները զննել են։ 

«Ժողովրդական» աջակցության նման ցուցադրությունը ցույց տվեց, որ Էրդողանը շարունակում է մնալ նախագահական մրցավազքի ֆավորիտը։

Թուրքիայի ընդդիմությունը միասնական թեկնածու Քեմալ Քլըչդարօղլուի գլխավորությամբ, չի համաձայնել ներկայացված գնահատականների հետ և «հաշվել» է ընդամենը 277 հազար մարդ։ Եվ միայն մայիսի 14-ը ցույց կտա, թե նրանցից ով է ճիշտ իր հաշվարկներում՝ հենց այս օրը նշանակված են երկրի նախագահական ընտրությունները։