Հնարավոր է Բալի մեկնելու համար պետք լինի 1 տարի առաջ գրանցվել․ ինչ է ծրագրում տեղի նահանգապետը
Բալիի նահանգապետ Ուայան Քոսթերը ցանկանում է առաջարկել 100 տարով աստիճանաբար դադարեցնել զանգվածային զբոսաշրջությունը կղզում: Այս մասին հայտնում է Ինդոնեզիայի ազգային ANTARA լրատվական գործակալությունը։
Նա պատրաստվում է նման գաղափար առաջ քաշել «Բալիի ապագա զարգացման պլան. նոր Բալիի 100 տարին» քաղաքական սեմինարի ժամանակ, որին կմասնակցեն Ինդոնեզիայի բազմաթիվ առաջատար քաղաքական գործիչներ, այդ թվում՝ որոշ նախարարներ և բարձրաստիճան պաշտոնյաներ, ինչպես նաև նախկին նախագահը։
«Զանգվածային զբոսաշրջության բացակայությունը և զբոսաշրջային քվոտաների համակարգը մեր ապագան է առաջիկա 100 տարումՄենք կսահմանափակենք զբոսաշրջիկների թիվը՝ ներդնելով քվոտաների համակարգ։ Օտարերկրացիները պետք է գրանցվեն Բալի իրենց ծրագրված այցից մեկ տարի առաջ և սպասեն ներս մտնելու իրենց հերթին»,- ասել է Վայան Կոստերը։
Նրա խոսքով՝ այս միջոցը պայմանավորված է նրանով, որ զբոսաշրջիկները անհարգալից են վարվում կղզու բնակիչների մշակույթի նկատմամբ և խախտում են Ինդոնեզիայի օրենքները։ Սահմանափակումների վերաբերյալ վերջնական որոշում դեռ կայացված չէ։
Նշենք, որ 2023 թվականի հունվարից կղզուց արտաքսվել է 101 զբոսաշրջիկ, որոնց մեծ մասը ռուսներ են։
