Գերմանիայում փակվել են վերջին երեք ատոմակայանները
Շաբաթ լույս կիրակի գիշերը Գերմանիան էներգացանցից անջատել է երկրում մնացած երեք ատոմակայանները։
BBC-ն գրում է, որ Բեռլինը դա անում է այն ժամանակ, երբ այլ արևմտյան երկրները, այդ թվում՝ Ֆրանսիան, ավելացնում են ներդրումները միջուկային էներգիայի մեջ՝ մթնոլորտ վնասակար արտանետումները նվազեցնելու, էլեկտրաէներգիան էժանացնելու և ռուսական էներգակիրներից կախվածությունը նվազեցնելու հույսով։
Գերմանիայում մինչև 2022 թվականը բոլոր ատոմակայանները փակելու որոշումը կայացվել է ճապոնական Ֆուկուսիմա ատոմակայանում տեղի ունեցած վթարից անմիջապես հետո, որը լրջորեն տուժել է երկրաշարժից և ցունամիից։
Ատոմակայանի փակման գաղափարը աջակցության է արժանացել Գերմանիայում՝ հզոր հակամիջուկային լոբբի ունեցող երկրում։ Այնուամենայնիվ, ատոմային էներգիայի վերջնական հրաժարման վերջնաժամկետը տեղափոխվեց 2022 թվականի վերջից մինչև 2023 թվականի ապրիլ՝ պայմանավորված էր Ուկրաինա ռազմական ներխուժումից հետո ռուսական գազի մատակարարումների կտրուկ կրճատմամբ և Կրեմլի դեմ սահմանված պատժամիջոցներով:
Երկրի իշխանությունները պնդում են, որ էներգետիկ իրավիճակը լիովին վերահսկվում է, և ատոմակայանները ժամանակի ընթացքում ապամոնտաժվելու են, և շահագործման հնարավոր վերադարձի ակնկալիքով կոնսերվացիա չի նախատեսվում։ Նրանք հիշեցնում են, որ գերմանական գազի պահեստները առավելագույնս լցված են, ստեղծվել են բոլոր անհրաժեշտ ենթակառուցվածքները հեղուկ բնական գազ ստանալու համար, որը կփոխարինի ռուսական մատակարարումներին։
