Ի՞նչ անի Տիգրան Ավինյանը, որ չքննադատվի, ձեռքերը ծալի ու ոչինչ չանի՞. փոխքաղաքապետ
Որպես Երևանի փոքաղաքապետ` անում եմ այն աշխատանքը, որը պարտավոր եմ անել: «Ազատություն»-ը զրուցել է Երևանի փոխքաղաքապետ Տիգրան Ավինյանի հետ:
«Իշխանությունը պետք է պատասխանատվություն ստանձնի և իրականացնի ծրագրեր, ընդդիմությունը պետք է գտնի բացերը այդ ծրագրերում կամ մատնանշի այն խնդիրները, որոնք իշխանությունը չի կարողանում լուծել: Եթե ինձ քննադատում են իմ աշխատանքը լավ անելու համար, կարծում եմ՝ դա շատ թույլ քննդատություն է»,-ասել է նա:
Լրագրողի ճշգրտող հարցին՝ արդյոք իրավիճակն արդար է այլ թեկնածուների նկատմամբ՝ Ավինյանը պատասխանել է.
«Ի՞նչ անի Տիգրան Ավինյանը, որ չքննադատվի: Ձեռքերը ծալի ու ոչինչ չանի՞: Ես անում եմ այն աշխատանքը, որը պարտավոր եմ անել: Քննադատությունն ուղղեք ինձ այն ժամանակ, երբ դուրս կգամ իմ լիազորություններից»:
