Սելֆիներ անելու առիթ ենք ստեղծում. Ավինյան

«Հի՞շում եք մի քանի ամիս առաջ հիմնանորոգված Հանրապետության Հրապարակ կայարանի վերևի հատվածը, որը նաև մշակութային արժեք է հանդիսանում։ Հի՞շեցիք։

Իսկ հի՞շում եք, որ Երևանի քաղաքապետարանն առաջարկում էր, որ գանք հիանանք: Կարաք չհասնեք ստեղ, էս լուսանկարներով հիացեք։

Բոլոր լուսանկարներն արված են կես ժամ առաջ»։ Այս մասին ֆեյսբուքյան հրապարակում է կատարել օգտատեր  Էդուարդ Հայրումյանը` գրառմանը կից հրապարակելով լուսանկարներ: 

Երևանի քաղաքապետարանի հերթական գործակարգավարական խորհրդակցության ժամանակ այսպիսի կարծիք է հնչել:

«Արամ Մանուկյանի արձանի շրջակայքում որոշակի հատված շինարարության մեջ ներառված չի եղել, առանձին մրցույթ է հայտարարվել և այս պահին իրականացվում են վերանորոգման աշխատանքներ: Կարծում եմ՝ մանիպուլյացիա է, որ իբր մեր կատարած աշխատանքները որակով չեն եղել, որովհետև այդ հատվածներում երբեք շինարարական աշխատանք չի ձեռնարկվել»: Այս մասին հայտարարել  է  Շինարարության և բարեկարգման վարչության ԺՊ Խորեն Գրիգորյանը:
 

Երևանի փոխքաղաքապետ Տիգրան Ավինյանն էլ այս թեման այսպես է մեկնաբանել: 

«Եթե մի գործ անում ենք, պետք է ամբողջական անենք, պետք է տեղեր չթողնենք, որոնք ներառված չեն նախագծում: Թե չէ առիթ ենք ստեղծում մարդկանց սելֆիներ անելու ջարդված քարերի հետ»: 

[c47d53c88c2f8df870a5bbd7dba0efd0.jpg]

[5be8f7d33fccc1fd6a60fbe9d840f329.jpg]

[13520a34ad4a60ce2d3b4c3f586d2e55.jpg]

[d0b87a930ae45629fc40dda9048f432c.jpg]