![ՔԿ-ն Միքայել Արզումանյանին մեղավոր է ճանաչել Շուշիի և «Արեգա» բարձունքի անկման դրվագներով․ ԶԼՄ](https://auroranews.am/storage/img/base_image/old/82f32d215c59304b07a8e5f0ff464c79.webp)
ՔԿ-ն Միքայել Արզումանյանին մեղավոր է ճանաչել Շուշիի և «Արեգա» բարձունքի անկման դրվագներով․ ԶԼՄ
![ՔԿ-ն Միքայել Արզումանյանին մեղավոր է ճանաչել Շուշիի և «Արեգա» բարձունքի անկման դրվագներով․ ԶԼՄ](https://auroranews.am/storage/img/base_image/old/82f32d215c59304b07a8e5f0ff464c79.webp)
ՊԲ նախկին հրամանատար Միքայել Արզումանյանը Շուշիի և «Արեգա» բարձունքի անկման դրվագներով մեղավոր է ճանաչվել։ ՔԿ-ում նախաքննության ավարտ է հայտարարվել։ Այս մասին Armenia Today-ի հետ զրույցում հայտնել է ՔԿ մամուլի խոսնակ Գոռ Աբրահամյանը։
Ըստ Աբրահամյանի՝ Արզումանյանին մեղադանք է առաջադրվել պատերազմական գործողությունների երկու դրվագով։
«Խոսքը վերաբերում է Շուշիի և «Արեգա» բարձունքի անկման հետ կապված դրվագներին։ Այսինքն՝ երկու օբյեկտների կորստի հետ կապված նրա դերակատարությանը»,- նշել է Աբրահամյանը։ ՔԿ-ից նաև հայտնել են, որ Արզումանյանի հետ կապված քրգործի նախաքննության ավարտ է հայտարարվել և ուղարկվել դատախազություն։
ՔԿ-ն նախորդ տարվա սեպտեմբերին հայտարարել էր, որ Արզումանյանը ձերբակալվել է։ Նշվում էր, որ նրան մեղադրանք է առաջադրվել Շուշիի և հարակից տարածքների պաշտպանությունը կազմակերպելիս ծառայողական պարտականություններին անփույթ վերաբերվելու համար, «որն անզգուշությամբ առաջացրել է ծանր հետևանքներ՝ հակառակորդի զինված ուժերն ամբողջությամբ վերահսկել են Շուշի քաղաքը և նրա շրջակայքը, և մեր ստորաբաժանումները կորուստներ են կրել»։