ԱՄՆ-ն խոստովանել է` պետք էր ավելի շուտ դուրս գալ Աֆղանստանից
ԱՄՆ-ն խոստովանում է, որ պետք է ավելի շուտ սկսեր իր ուժերի տարհանումն Աֆղանստանից։ Այս մասին գրում է The New York Times-ը։
Նշվում է, որ ԱՄՆ-ն այսօր ընդունել է, որ կառավարությունը պետք է ավելի վաղ սկսեր Քաբուլից ամերիկացիների և աֆղանների դուրսբերումը:
Համաձայն 12 էջանոց սպիտակ թղթի` կառավարության պաշտոնյաները փորձում էին մեղքի մեծ մասը բարդել Բայդենի նախորդի՝ նախկին նախագահ Դոնալդ Թրամփի վրա՝ մեղադրելով Թրամփին թալիբների հետ հապճեպ համաձայնության հասնելու մեջ՝ մինչև 2021 թվականի գարուն ամերիկյան զորքերը դուրս բերելու շուրջ։
Այնուամենայնիվ պաշտոնյաները նաև խոստովանել են «ագրեսիվ հաղորդակցության» անարդյունավետությունը՝ պայմանավորված այն արագությամբ, որով թալիբները գրավեցին երկիրը:
Փաստաթղթում ասվում է, որ զորքերի դուրսբերումից ամիսներ առաջ Բայդենի վարչակազմը որոշել է «բարձրաձայն և հրապարակայնորեն չհեռարձակել վատագույն սցենարի հնարավոր զարգացման մասին, որպեսզի չազդարարի աֆղանական կառավարության նկատմամբ վստահության պակասը»։ Զեկույցում սա ուղղակիորեն սխալ չի անվանում, սակայն զեկույցի երկու կետերում ասվում է, որ կառավարությունը փոխել է իր քաղաքականությունը և այլևս չի անելու այդ ընտրությունը
