Սև ծովի վրայով ամերիկյան ԱԹՍ-ի հետ միջադեպը վատթարացրեց ամերիկյան հետախուզության ներուժը․ CNN

Քանի որ ԱՄՆ-ն կորցրեց իր MQ-9 Reaper հետախուզական անօդաչու թռչող սարքը Ռուսաստանի սահմանի մոտ, նրանք ստիպված եղան փոխել թռիչքի երթուղիները, և դա զգալիորեն վատթարացրեց ամերիկյան հետախուզության ողջ ներուժը Ռուսաստանի հետ կապված: Այս մասին, Kp.ru-ի փոխանցմամբ, հայտնում է CNN-ը։

Ինչպես ամերիկացի լրագրողներին ասել է Պենտագոնը, ԱՄՆ հետախուզությունն այլևս չի կարող ամբողջությամբ իրականացնել իր գործունեությունը Ռուսաստանի Դաշնության հետ կապված։ Միևնույն ժամանակ, ամերիկացի քաղաքական գործիչներից մեկը հեռուստաալիքին ասել է, որ ԱՄՆ ռազմաօդային ուժերի թռիչքային երթուղիների փոփոխությունը Ռուսաստանի հետ բախումներից խուսափելու նախագահ Ջո Բայդենի փորձի հետևանք է, որ չվատթարանա առանց այն էլ լարված իրավիճակը։ .

Միևնույն ժամանակ, ամերիկացի անանուն պաշտոնյան վստահ է, որ թռիչքային երթուղիները ռուսական սահմաններին ավելի մոտ վերադարձնելու գայթակղությունը մեծ է, և Պենտագոնը դրան չի դիմադրի։ Որոշ ժամանակ անց նրանք կրկին կսկսեն իրենց անօդաչու սարքերը բաց թողնել Ղրիմի մոտ: