Իսրայելը սկսում է բանակցություններ իրավական բարեփոխումների շուրջ, որոնք զանգվածային բողոքի ցույցեր են առաջացրել

Իսրայելում բանակցություններ են սկսվել վարչապետ Բենիամին Նեթանյահուի կառավարության առաջարկած իրավական բարեփոխումների շուրջ, դրանք ընթանում են Երուսաղեմի նախագահական նստավայրում, հայտնում է Times of Israel-ը։

Բանակցային գործընթացը բացել է նախագահ Իցհակ Հերցոգը, որին մասնակցում են ընդդիմության, իշխող «Լիկուդ» կուսակցության և նրա կոալիցիոն գործընկերների ներկայացուցիչներ։

Միևնույն ժամանակ, որոշ իսրայելցիներ, ովքեր պաշտպանում են Նեթանյահուի կառավարության ծրագրերը և դեմ են ընդդիմության հետ փոխզիջմանը, հավաքվել են բողոքի ցույցի: Եվս 3000 մարդ ցույց է անցկացրել Թել Ավիվում՝ բողոքելով իրավական բարեփոխումների դեմ, չնայած այն բանին, որ Նեթանյահուն խոստացել էր սառեցնել դրանք և փոխզիջման հասնել ընդդիմության հետ։

Երկուշաբթի Նեթանյահուն հայտարարել է, որ Իսրայելում դատական ​​բարեփոխումների իրականացումը կկասեցվի առնվազն մինչև խորհրդարանական բարեփոխումների ավարտը։ Միաժամանակ նա նշել է, որ իր կողմնակիցների մեծ մասն աջակցում է բարեփոխմանը, ուստի «այն այս կամ այն ​​ձևով կիրականացվի»։