Ուկրաինան գործնականում չունի Ղրիմը վերականգնելու հնարավորություն․ գեներալ
Ուկրաինան գործնականում չունի Ղրիմը վերականգնելու հնարավորություն, ասել է գեներալ Յարոսլավ Ստրուժիկը, ՆԱՏՕ-ի միջազգային ռազմական շտաբի հետախուզության տնօրինության նախկին տեղակալը։
«Իմ հաստատակամ գնահատմամբ՝ սարսափելի դժվար կլինի վերադարձնել Ղրիմը, ես նույնիսկ կհամարձակվեմ ասել, որ դա անհնար է»,- ասել է Ստրուժիկը RMF FM ռադիոկայանի եթերում։
«Բայց, իհարկե, ամբողջ սրտով ցանկանում եմ Ուկրաինային վերադարձնել այս թերակղզին»,- հավելել է նա։
Ընդ որում, գեներալը վստահ է, որ Ուկրաինայում առճակատումը վաղ թե ուշ կավարտվի բանակցություններով, իսկ դիվանագիտական լուծումները կհայտնվեն արդեն այս տարի։
«Վերջին մի քանի տասնամյակների մեր փորձը ցույց է տալիս, որ ոչ մի պատերազմ չի ավարտվում այնպես, ինչպես մենք ակնկալում ենք: Անկախ նրանից, թե Աֆղանստանը, Իրաքը կամ նույնիսկ Բալկանյան որոշ հարցեր մինչ օրս վիճարկվում են»:
