Չպարզված հանգամանքներում զինծառայող է զոհվել. ՀՀ ՊՆ
Փետրվարի 19-ին ՀՀ ՊՆ N զորամասի պահպանության տեղամասում զինծառայող, շարքային Հայկ Արամի Պետրոսյանը դեռևս չպարզված հանգամանքներում ստացել է հրազենային մահացու վիրավորում: Այս մասին հայտնում է ՀՀ ՊՆ-ն
«Դեպքի հանգամանքները լիարժեք պարզելու նպատակով տարվում է քննություն»,- նշվում է հայտարարության մեջ:
Հայաստանի Հանրապետության պաշտպանության նախարարությունը կիսում է կորստյան ծանր վիշտը և զորակցություն հայտնում զինծառայողի ընտանիքի անդամներին, հարազատներին և ծառայակիցներին:
